The Teachers' Lounge

© if... Productions

Ġermanja | 98 min | 2023

Sinteżi:
Carla Nowak, għalliema żagħżugħa tal-isport u l-matematika, tidħol għall-ewwel lezzjoni fl-iskola postsekondarja l-ġdida tagħha. Dak li jagħmel lil Carla differenti mill-kollegi l-ġodda huwa l-idealiżmu tagħha. Iżda sensiela ta’ serqiet mhux solvuti toħloq atmosfera xejn komda fost l-għalliema. Meta student Tork jiġi akkużat u mtella’ quddiem il-Kap tal-Iskola b’mod umiljanti, Carla tiddeċiedi li twettaq investigazzjoni. Bis-saħħa ta’ kamera moħbija u b’xokk kbir għal kulħadd, hija tikxef lill-ħalliel: is-segretarja diskreta, Friederike Kuhn. Iżda dan jitfa’ lil Carla f’dilemma li ma tissolviex: Friederike Kuhn hija omm l-aktar student bravu tagħha, Oskar Kuhn. L-avvenimenti li rriżultaw minħabba l-azzjonijiet ta’ Carla malajr jaħarbu mill-kontroll tagħha. Minn naħa, issib ruħha dejjem aktar iżolata mill-kollegi tagħha. Min-naħa l-oħra, ikollha taffaċċja l-istress psikoloġiku li kkawżat lil Oskar, jew kif jibdew isejħulu sħabu, “iben il-ħalliela”. L-amministrazzjoni tal-iskola għandha soluzzjoni sempliċi ħafna għal każijiet bħal dawn: Oskar se jkollu jmur fi skola oħra. Oskar, li bħal ommu li issa ġiet sospiża ma jħossux intimidat, jikkuntattja lill-gazzetta tal-iskola biex jixħet dawl fuq il-perspettiva ta’ ommu. Dan jiskatta dibattitu jaħraq dwar il-verità u l-ġustizzja.