Premju LUX tal-Udjenza

PREMJU LUX TAL-UDJENZA 2022

Ġew nominati tliet films għat-tieni edizzjoni tal-Premju LUX tal-Udjenza. Biex tgħinna nagħżlu r-rebbieħ, neħtieġu l-vot tiegħek. Jekk jogħġbok ikklassifika l-films li rajt permezz tas-sistema ta' punteġġi: stilla waħda – fjakk, sa ħames stilel – eċċellenti.

Il-votazzjoni tiftaħ fit-12 ta' Diċembru 2021. Għandek sal-25 ta' Mejju 2022, biex tbiddel il-klassifikazzjoni tiegħek. L-aktar vot tiegħek reċenti biss jgħodd.

Il-parteċipanti magħżula b'mod aleatorju se jiġu ppremjati*: meta tivvota, tidħol fiċ-ċans li tattendi ċ-Ċerimonja tal-Premju LUX tal-Udjenza, li se ssir fit-8 ta' Ġunju 2022 fil-Parlament Ewropew fi Strasburgu.
* Jekk l-aħħar restrizzjonijiet relatati mal-COVID-19 fi Franza jippermettu dan.

Flee

Flee

Jonas Poher Rasmussen

Amin Nawabi (psewdonimu), akkademiku ta' 36 sena ta' suċċess kbir, qed jissielet ma' sigriet li jweġġa' u li żamm moħbi għal 20 sena, sigriet li qed jhedded li jisfrattalu l-ħajja li bena b'tant galbu għalih innifsu u għal dak li dalwaqt isir ir-raġel tiegħu. Id-direttur Jonas Poher Rasmussen jinqeda bl-animazzjoni biex jipproteġi...
Great Freedom

Great Freedom

Sebastian Meise

Fil-Ġermanja ta' wara l-gwerra, Hans dieħel u ħiereġ il-ħabs għax huwa omosesswali. Ix-xewqa tiegħu għal-libertà tibqa' sistematikament bla temma meta jinqabad jikser l-Artikolu 175 tal-Kodiċi Kriminali Ġermaniż. L-unika relazzjoni stabbli f'ħajtu hija ma' sieħbu taċ-ċella għal żmien twil, Viktor, li huwa qattiel ikkundannat. L-istmerija...
Quo Vadis, Aida?

Quo Vadis, Aida?

Jasmila Žbanić

Il-Bożnija, 11 ta' Lulju 1995. Aida hija traduttriċi għan-Nazzjonijiet Uniti (NU) fil-belt żgħira ta' Srebrenica. Meta l-armata Serba tieħu l-belt f'idejha, il-familja tagħha tispiċċa fost l-eluf ta' persuni ċivili li qed ifittxu kenn fil-kamp tan-NU. Bħala persuna li kellha tagħrif kunfidenzjali dwar in-negozjati, Aida għandha aċċess...

Attivitajiet relatati mal-Premju

Jiem tal-Films LUX

Jiem tal-Films LUX

Minn nofs Marzu sat-23 ta' Mejju 2022, grazzi għall-Premju LUX tal-Udjenza, it-tliet films nominati: Flee, Great Freedom (Grosse Freiheit) u Quo Vadis, Aida?, sottotitolati fl-24 lingwa uffiċjali tal-UE, se jintwerew fil-pajjiżi kollha tal-Unjoni Ewropea.

27 Times Cinema

27 times cinema

Il-promozzjoni tal-valuri komuni Ewropej u tad-diversità kulturali fost iż-żgħażagħ minn dejjem kienet prijorità tal-Parlament Ewropew. X'hemm mezz aħjar miċ-ċinema biex jiġi ġġenerat dibattitu mqanqal dwar l-ideat Ewropej? Din l-inizjattiva tibni fuq kors ta' taħriġ intensiv ta' 10 ijiem f'Venezja, għal 27 żagħżugħ u żagħżugħa Ewropej li jħobbu l-films u membri attivi fil-komunitajiet tal-films.

VOD

VOD

Iċċekkja fejn fl-Ewropa tista' tara l-films LUX online.
Nistednuk tiskopri l-pjattaformi tal-video-on-demand (VOD) jew tal-istreaming disponibbli f'pajjiżek.

Sħab

EFACreative EuropeEuropa Cinemas